مجلة الكاتبــــــــــــه منه حسين الالكترونيه

احاديث...بقلم..الشاعرالقدير/
مرقص إقلاديوس.


احاديث آخر العمر
بقلم..مرقص إقلاديوس
.................
فى يوم عجيب 
سهرت ليله الطويل.
و ماعرفتش 
إمتى إبتدى النهار.

سألت نفسى
ليه ضيعت عمرىء
عشته طوله 
بعرضه طيار.

قالتلى نفسى
عشان عشت 
طول عمرك
مش غاوى
غير الأفكار.

لو كنت عشت 
غاوى فلوس
كان زمانك بقيت
شهبندر التجار.

لو كنت عشت
 غاوى جمال
كان زمانك
 بقيت شهريار.

لكن إنت 
كل إللى عملته
 فى عمرك
قريت شوية كتب
و كتبت دستة اشعار.

قلتلها
عاوز اعوض
 إللى فات،
و لما ارحل
يبقالى ذكرى
يبقالى مسار.

قالتلى 
عاوزة اقوللك 
خبر حقيقى.
مات ألف شهبندر
و ألفين شهريار.
لكن لو كلمتك عاشت
هيمتد عمرك بيها
و معاها اعمار.

و كل من هيقراها
و تديله فرح و امل
هيترحم عليك
و يتمنى يعيش
 زيك طيار.

و يقول إنك عمرك 
ما عشت ليل.
عشان عمرك
 إللى عشته
كان كله نهار.
      ملاح بحور الحكمة
      مرقص اقلاديوس
************************
(رئيسةالتحرير).ياسمينةالكاشف/تحياتي.