مجلة الكاتبــــــــــــه منه حسين الالكترونيه

الحزن...بقلم..الشاعرالقديء/مرقص إقلاديوس.

من مباحث الحزن نوافيكم
بقلم..مرقص اقلاديوس
...........
 الحزن 
من كتر ما الناس زعلانة منه.
قال يلف لفة 
يسأل الناس
انتم حزانى ليه.

لقى واحدة حبت واحد
ما يستاهلش حبها و غدر بيها.
و سابها لوحدها
للوحدة و الدموع تواسيها.

و لقى واحد ربنا مدديله كتير
قال يغامر بكل اللى معاه
عشان يجيب اكتر.
و طبعا ضيع كل اللى معاه
و مش فاضضله
غير إنه يتحسر.

و لقى أب 
كتب لإبنه
كل اللى وراه و اللى قدامه.
و إبنه خد كل حاجة و طفش
و ساب الأب لندمه و آلامه.

و لقى ام
عاملة نفسها
أصبى من بنتها.
نسيت إنها خدت وقتها.
و كان ليها حظها.
مسكينة البنت يا عينى.
عرسان كتير سابوها
عشان طبعا أمها

و لقى واحد
جاتله الفرصة ورا الفرصة.
يقوللك لأ لأ 
دى فرصة وحشة.
نستنا 
هتيجى فرصة احسن.

 و بعدين
تعند معاه الدنيا الغازية.
ما أصل الدنيا
طول عمرها عندية.
لا يجيله أحسن و لا أوحش.

فكر الحزن يققنعهم
 يحككموا عقلهم و  قلبهم.
يقول لهم إنهم
 كتير بيحطوا 
النار على الحطب.

و بعدين رجع فى كلامه.
قال 
هيا دى برضو
ناس 
ينفع معاها عتب.

و فى الآخر
يتلم حزين على حزين زيه.
يشكوا لبعض 
من الحزن و عمايله.
و الحزن يسمعهم فى عجب.
                 ملاح بحور الحكمة
                  مرقص اقلاديوس
.
**********************************
(رئيسةالتحرير).ياسمينةالكاشف/تحياتي.