مجلة الكاتبــــــــــــه منه حسين الالكترونيه

طبع الحياة عجب… بقلم… الشاعرالقدير/مرقص إقلاديوس. 


طبع الحياة عجب
بقلم..مرقص إقلاديوس
.........
اوقات الحياة بتقسى أوى.
اللى بيحب الجمال،
قانون الجسد
يحرمه من النظر.

و اللى بيحب الألحان
يتحكم عليه يسمع قليل.
و الصوت العالى
يبقى عليه خطر.

لكن تصدق
اللى بطل بشوف
يبتدى يسمع غناوى
و يطول بيه السهر .

و اللى بقى ما بيسمعش
يبتدى يتأمل فى شموخ الجبل.
و يسمع بروحه هدير البحر
و يشوفه على مدى النظر.

اوعاك فى يوم تنسى رحمة ربنا...

من يعطى الحياة لمواليد البشر.
من يمن علينا بحبات المطر.
من خلق لنا شجرا يعطى الثمر.
و الثمر نفسه بداخله خشب الشجر.
من علق أرضنا فى الهواء......
و سمح للرياح على أرضنا بالسفر. 
من يحب المخلص الوفى
و يقبل برحمته من خان و من غدر.

مش عارف ليه القلوب بتقسى أوى.
مع إن ماحدش ضامن بكرا.
و لا يقدر مهما كان سلطانه
يررجع ثانية
من عمره اللى ضاع هدر.
                ملاح بحور الحكمة
                 مرقص إقلاديوس
***************************************
(رئيسةالتحرير).ياسمينةالكاشف//تحياتي.