جربت اكيد //بقلم الشاعر (( حسام فكري ))

جربت اكيد 

 جربت أكيد طعم المر 
والناس فاكرينك انك حر 
مزنوق جواك ولا لاقى مفر 
نفسك.. تخرج ..تجرى ..تفر
عاوز كده تخرج من جواك
ونفسك تنول بس مناك 
من بعد ما دوقت طعم المر
نفسك بس تكون عايش حر
نفسك.. تخرج ..تجرى ..تفر
بس المرار مالى حياتك 
والناس فاكره انك مبسوط 
ولا غيرك سامع أناتك
ومعاك وفاكرينك مبسوط
ولا غيرك سامع لآهاتك
وانت بيقطع فيك السوط
من بعد ما دوقت طعم المر
نفسك بس تكون كده حر
نفسك.. تخرج ..تجرى ..تفر
فى بينهم سامع لسكاتك 
حاسس بجراحك وبيأسك 
من بين الناس حاسس بيك 
وشايف دموعك جوا عنيك 
ولا طايل يمسك حتى ايديك 
ويزيل الهم من جوا عنيكك 
بس يتمنى يحوم حواليك 
يسهر على راحتك وسعادتك 
ويكون مشغول بس لراحتك 
جربت تدوق كده طعم المر 
والناس حواليك فاكرينك حر
وانت مزنوق ولا لاقى مفر
 وعاوز ..تجرى ..تطير ..وتفر