زمن العجايب
و أه يا زمن العجايب
كل حلو فيك ضايع و غايب
كله من بره .... ملاك
و هو من جوه هلاك
أحافظ ع العشره والصحبة
و لا أسقيهم مره عذاب
و هما بالغدر باعوني
و جريوا ورا أمل كداب
يا خسارة الكلمة الحلوة
و هي متبطنة ب أنياب الدياب
أه يا زمن العجايب
تهادينا مرة بالفرح
و مرات ب مصايب
فيك ناس من ربهم ما يخافوش
و لو انكشف وشهم أبدآ ما ينكسفوش
كنا فاكرينهم صحاب و حبايب
أه يا زمن العجايب
أنا مش ندمانة عليهم
هما اللي زرعوا الغدر بإديهم
هكمل حياتي
من غيرهم ... و اللا بيهم
و أنا عمري معاهم
ما خنت و لا غشيت
و لا غدرت و لا جنيت
أه يا زمن العجايب
الغدر فيك مسموح
و الوفا صار م العجايب
تعبت أعاتب
تعبت أجامل
و بردة مجبورة
أضحك منك و ليك
شفت العجب فيك
يا زمن العجايب
ليست هناك تعليقات:
إرسال تعليق