مشوار ..بقلم الشاعر ((عبدالمنعم عدلى،،مصر ))

      مشوار

مشوار ومكتوب علينا
نمشى فيه وتطول ليالينا
وقهر الظلم طاغى علينا
راحوا فين الأهل 
راحوا فين ال كانوا بيمسحوا دموعنا
قناع زائف لما كانوا تحت إدينا
ومن ورانا بيطعنوا فينا
ٱه عليك يادنيا
لما تدينا وتخدى 
منا أحلى ليالينا
ظالمة وخاينة يادنيا
والظلم فى ناسك
وإنكتب علينا القهر بين ناسك
كنا ملوك فى بيوت أهالينا
ودارت الأيام علينا
ومات الملك
وعاش الصعلوك 
وإنحصر الظلم علينا
وتهنا وتاهت ليالينا
وظلم الناس بان علينا
والأهل شمتوا فينا
خاين يازمان
وملكش أمان
لما دورت الأيام علينا
ومشينا مشوار الظلام
بين أهالينا