يا خساره يا بلادى ..بقلم الشاعر((حمودة سعيد محمود ))

يا خساره يا بلادى
***********
يا قطر... يا مـــعدِّي
حاسب كده وهـــدِّى
أنا ليا فيك أصحابْ
مين حبهم كــــدِّى؟
**********
يا قطر .. يا مسرِّعْ
هدِّى كـــــده شويِّهْ
من أمته بتشــرِّعْ
وتقتـــــلْ فينا ميَّهْ
**********
يا قطر ..كيف تقتل
وتخـــــون أمانينا
فى أرواحنا رح تفتل
وفى القبـر ترمينا
*********
يرضيكْ أنام بــاكى
على أختى وخواتى
وأنـــــــت تغنى لى
لـــولاكى لـــولاكى
**********
ووزيرك العميـــان
نايم على الكــرسي
بيهاتى كالصبـــيان
فينك أنت يا مرسي
**********
يا خساره يا بلادى
يكبر فيكى الصايع
وساعتها يا ولادى
 يبقى الهدف ضايع