(عنواني البقاء) بقلم الشاعر ((سمير عبدالواحد محمود /العراق))

(عنواني البقاء) 
..............
عراقي وافتخر بالأصل ياخوان 
ويزيد الفخر أصلي الكردي 
تعلمت الصبر من جدي ايوب 
وصلاح الدين يوم الصار عضدي 
عراقي الي حليبة باقي مدرار 
مافد يوم قصر رغم زهدي 
يل ماتعرفني أسأل عني هواي 
من دم الشهيد انا جلبت مدي 
انفال وحلبجة وحرب الجبال 
حرت اني بصراحة بيش ابدي 
نسيتوا الفاو..!!!؟؟ 
ولي صار بالهور،، 
من جففوا مية ويبس البردي 
لو نسيتوا انبارنا وفلوجة العز 
وأخبار البطولة البيها عندي 
وتكريت الحزينة حزن يعقوب 
ودجلة تصيح من دمكم يولدي 
ارتفع مدي 
الله واكبر 
الله واكبر يا نينوى شصار 
نهاية كون لو 
حرب وتعدي 
عنواني البقاء غصبا عن الموت 
ترى يوم القيامة صار عندي 
عشنا العمر كلة بحلبة الموت 
ورثنا اعمارنا بحروب تبدي 
عودنا نفسنا نحل بالازمات 
ازمة تجيبنا 
واخرى تودي. 
...............