متعشمه ! *** بقلم السيدابوطاحون

متعشمه ! *** بقلم السيدابوطاحون
*********
ياه ع الحمامة الحالمه
واقفه على شط السما
عينها على الأرض إنما
التانية عاليه و عازمه
*********
سابها الوليف ..
ولم قش العش سابه..
ك الصينى النضيف
لا ميه تروى ولا رغيف
و الدينا صيف
*********
خدها فى حضنه وضمها
ومسح ب ايده دمعها
وقال لها ..
يا دوب يومين
*********
باتت على فرع الشجر
إللى موازى للرصيف
كات ليله اسود م السواد
والقلب قاد
عامت فى بحر من الأرق
غيمة عرق
و دموعها نازله اربعات
صبح الشجر من غير ورق
الدينا صيف
نادت يا سيف
لافيه لا حس ولا خبر
*********
ياه ع الحمامه الحالمه
سنين عجاف متألمه
ولسه صابره وباسمه
متعشمه
*********
#متعشمه
#الاخنوم
#السيدابوطاحون