المايشتاك ..بقلم الشاعر((..اميري علي ))

المايشتاك 
شيفيد لو جفه دك الباب 
دكات المجامل ماتسوه 
جيه 
شيفيد النهر و الجرف عطشان 
واغصان الورد تذبل بفيه 
الروح مثل الشجر تحتاج منك ماي 
تخضر إذا مريته بحنيه 
شحت طيوفك وظلمت عندك روح 
وبكيفك وصالك، تكطع... تجي 
ماخذه حريه 
اشتريتك بكل نفس بالروح 
وحسبتك امل وانت اكطعت بيه 
ملت اعيوني مناطر ادروبك صاح 
لامرت غفل..... لا جتني متعنيه 
المحبه حبل مربوط بالأرواح 
ماتنفع تعجده إذا انكطعت الحنيه
حبل مواصلك ضل متارجح وياي 
تزعل تهده..... ترضه تلزمه اشويه 
اني ادري يصاحب مابقه عندك شوك 
غيابك مبرر وعليه امبيته النيه 
لاتعتذر مو كثرة الأعذار 
مايجوي الجمر، بس ايد راعيه