أنا بحبك // رضا حسب النبى

أنا بحبك

كتبتلك بحبك جوه جفن العين
وكمان مغطياهم تملى بالرمشين
وكتبت على الصوابع ومعاهم الكفين
يالنتا حته منى و وشم على الخدين
وكمان نقش حنه منقوشه على الكعبين
ماشيه أدور عليك حافية القدمين
لفيت عليك العالم ياترى روحت فين
ربى بيا اللى عالم إن إنت فى نن العين
إبقى إتصل بيا ماأنا معايا خطين
خط زيرو عشرة وكمان زيرو إتنين
نفسى أسمع صوتك وتقولى كلمتين
الأولى كلمة أنا والتانية كلمة بحبك
أو إبعت ليا مسج وإكتبهم فى سطرين

✏رضا حسب النبى