(أطلب حقوق)
..........................
..........................
اريد اسقط نظامك واعلن اضراب
واريد اوكف بوجهك واطلب حقوق
واريد اوكف بوجهك واطلب حقوق
ماخذ نومتي وعقلي شرد بيك
مكتوب بمحبتك راحة ماذوق
مكتوب بمحبتك راحة ماذوق
احلامي بسيطة ورايد انساك
بس اسمك عهد وبكلبي موثوق
بس اسمك عهد وبكلبي موثوق
يل اني بمحبتك ماخذ اعدام
كل لحظه بمحبتك اني مشنوق
كل لحظه بمحبتك اني مشنوق
انت الملك واني جندي ويطيع
من حق الملوك تجند تسوق
من حق الملوك تجند تسوق
راح اطلع بعد واعصيك ما طيع
واسلملك مطالب عشرة وتفوق
واسلملك مطالب عشرة وتفوق
اول هالمطالب حقي ظمات
وترجعلي الحنان ولهفة الشوق
وترجعلي الحنان ولهفة الشوق
والثاني شمس ما اريد صبحيات
رايد طلتك انت بوكت الشروق
رايد طلتك انت بوكت الشروق
والثالث اريد ابقى اني وياك
كون اسمي ويه اسمك دوم مرفوق
كون اسمي ويه اسمك دوم مرفوق
والرابع يابعد الروح،، لاعيب
يراودني الخجل ما اكسر الطوق
يراودني الخجل ما اكسر الطوق
والخامس ابد ماريد البعاد
ولاتفكر تعيد الكلبي لحروق
ولاتفكر تعيد الكلبي لحروق
والسادس عهد مكتوب محتاج
ماتنساني لحظة ورايد تروق
ماتنساني لحظة ورايد تروق
والسابع بعد ما ريد احزان
ونرجع كل فرح من عدنه مسروق
ونرجع كل فرح من عدنه مسروق
والثامن أمل يجمعنا اني وياك
ولطعم المحبة بلكت نذوق
ولطعم المحبة بلكت نذوق
والتاسع بعد ماريد شمات
يعيروني بهجر حبك ياممشوق
يعيروني بهجر حبك ياممشوق
والعاشر عهد مني تره يصير
اعلنها انقلاب وغير مسبوق
اعلنها انقلاب وغير مسبوق
...........................
سمير عبدالواحد الشيخاني
10/8/2018
سمير عبدالواحد الشيخاني
10/8/2018
ليست هناك تعليقات:
إرسال تعليق